Бишкекте көк бөрү боюнча Нооруз-2024 Республикалык турнири башталды. Быйылкы оюндар "Ак кула" ат майданында төрт лигага бөлүнүп өтүүдө. Алар:
- Жогорку лига - 6 команда,
- Биринчи лига - 12 команда,
- Экинчи лига - 16 команда,
- Легендалар лигасы - 6 команда.
Турнирдин алгачкы күнү Экинчи лиганын оюндары менен башталды. Ал жакта 16 команда төрт тайпага бөлүнүп, оюн көрсөтүшүүдө. 15-марттан тарта Жогорку лига жана Биринчи лиганын оюндары башталат. Ал эми 15-марттан баштап Легендалар (ардагерлер) катарга кошулмакчы.
Турнирдин расмий ачылыш салтанаты 15-мартка белгиленген, ал эми финалдык оюндар Нооруз майрамына утурлай 21-мартта өтөт.
Анкета