Бүгүн, 18-мартта Нооруз турниринин алкагындагы Экинчи лиганын жарым финалдык оюндары орун алды. Алгач А тайпасынан суурулуп чыккан “Кара-Шоро”, В тайпасынан чыккан “Ак-Илбирс” командалары кездешти. “Ак-Илбирс” командасы 9:3 эсеби менен жеңишке жетишип, финалга сапар алды.
Экинчи оюн С тайпасынан чыккан “Манас-1” жана D тайпасынын чыккан “Талас” командаларынын ортосунда болду. Оюн 5:3 эсебинде “Талас” командасынын пайдасына жыйынтыкталды. “Талас” командасы финалда “Ак-Илбирс” менен беттешет.
Белгилей кетсек, Экинчи лиганын финалдык оюндары 20-мартта болот.