Ушул жылдын сентябрь айында Астана шаарында өтө турчу 5-ДКО оюндарына даярдыктын жүрүшүнүн алкагында Кыргызстандык улакчылар медкароого келишти. Улуттук курама командадагы оюнчулардын ден соолугунун абалын КР Президенти жана Өкмөтүнүн иш башкармалыгынын клиникалык ооруканасынын дарыгерлери текшеришти. Алар оюнчулардын кан анализинен баштап, бардык дене мүчөсүнүн абалын медкароого алышты.
Медициналык кароонун толук жыйынтыгы ушул жума ичи чыкмакчы жана ага ылайык көкбөрү федерациясы Улуттук курама командага кирген көкбөрү жана жер улак (кокпар) команданын курамын жарыялайт.
Анкета