Көк бөрү федерациясынын буйругуна ылайык, Илгиз Төлөбай уулу федерациянын Жалал-Абад облусу боюнча өкүлчүлүгүнүн жетекчи кызматынан бошотулуп, анын ордуна Марат Калымбетов дайындалды.
Калымбетов Марат 2016-2018-жылы Көк бөрү федерациясынын Жалал-Абад облусу боюнча өкүлчүлүгүнүн жетекчиси болгон.
2018-жылдан тартып көк бөрү федерациясынын Жалал-Абад облусу боюнча өкүлчүлүгүнүн жетекчисинин орун басары.
2021-жылы "Жаштык" көк бөрү командасын түптөгөн, жетекчи.
Көк бөрү федерациясынын жалпы жамааты Марат мырзанын ишине ийгилик каалоо менен келе жаткан жылы Жалал-Абад облусунан жок дегенде бир команда Жогорку лигадагы командалар менен бирге оюн көрсөтүшүнө тилектеш.