Бүгүн, 3-ноябрда Бишкектеги «Аккула» ат майданында Республикалык муундар аралык мелдештин алгачкы тайпалык оюндары орун алды.  Мелдешке жалпы 19 команда катышып, 1985-2004-жылкы муундар арасында өтүүдө. Алгачкылардан болуп оюн талаасындагы А тайпасынан 1991-1997-жылкы командалар кез келип 3:0 эсебинде 1997 командасы жеңишти камсыздады. Кийинки оюн А тайпасындагы 1993-1992 командаларынын ортосунда жүрүп, 1992лер 2:0 менен жеңишке жетти. Үчүнчү болуп  оюн талсаасына В тайпасындагы 1999 жана 2003 командасы чыгып, оюн 2:0 эсебинде 1999дардын пайдасына аяктады.

Андан соң жалпы командалардын катышуусунда турнирдин ачылыш аземи болуп өттү.

Кийинки оюнда В тайпасындагы 2004 командасы 5:1 эсеби менен 2002 командасын утуп тайпа ичиндеги алгачкы жеңишин ишенимдүү камсыздашты.

Күндүн кийинки бөлүгүндө улуу муундун оюндары орун алды.

Алгач 1988 менен 1985 командалары кездешти. Оюн 1:0 эсебинде 1985тердин пайдасына аяктады. Кийинки оюн 1986 менен 1989дардын ортосунда болуп, негизги бөлүктө эсеп саны ачылбай, булиттер сериясы орун алды. 1:0 эсеби менен 1986лар жеңишке жетишти.