Кытай Эл Республикасынын Синцзьян районунда өтүп жаткан гара улак боюнча эл аралык мелдеште Кыргызстан курама командасы коло байгеге ээ болду. Кыргызстан курамы бүгүн жарым финалда Кытайдын Текес командасына жеңилип калды. Ошону менен турнир жобосуна ылайык Кыргызстан үчүнчү орунду камсыздады.
Ал эми финалда Кытайдын Текес жана Хотан командалары ич ара ойноп, ал жактан дагы Текес командасы жеңүүчү болуп чыкты.
Белгилей кетсек Кыргызстан курама командасы Кытайга минген аттары жок чакырылган, ал эми команданы ат менен камсыздоо милдетин Кытай өкмөтү өз жоопкерчилигине алган. Кыргыз оюнчулардын айтуусунда, командага ыйгарылган аттар менен оюн көрсөтүү дээрлик мүмкүн эмес эле. Бул аттар мурда кийин улак оюнуна түшүп көрбөгөнү аз келгенсип, аттардын эттери да төмөн болуп, каршылаштарга атаандаштык кылууга кыйын болоорун алдын ала айтып келишкен.
Команданын машыктыруучусу Эрлан Төлөбеков, кыргыз курамасы Кытайга байге үчүн келген эместигин билдирип, үчүнчү орунга канааттанып турганын билдирди.
Анкета