Бүгүн, 21-мартта көк бөрү боюнча Нооруз-2026 турниринин алкагында Жогорку лиганын финалдык оюндары орун алды. Алгач "Шахтёр" жана "Алтын-Альянс" командалары кез келип 3-2 эсебинде "Шахтёр" командасы 3-орунду ээледи.
Финалда "Ынтымак" жана "Намыс" командалары кез келди. Алгачкы салымды "Намыс" командасынын оюнчусу Мирбек Муташев ачып берди. Муташевдин бул салымы командага дем берип, команда оюндун 3-бөлүмүнүн 10-мүнөтүнө чейин 3-1 эсебинде "Намыс" командасы үсөмдүк кылып турду. Акыркы мүнөттөр орун алып жатканда Байтегин Оморбеков жана Өмүрбек Эсен уулу аттандашына удаа салым салып эсеп санын теңеп кетти. Алтын салым үчүн 10 мүнөт убакыт берилди. Кошумча убакытты Муташев Мирбек бекер кетирбей Краз аргымагы менен атаандаштын тайказанына салым салып "Намыс" командасынын тарыхый жеңишке жетишүүсүнө себепкер болду.
Анкета