31-август Кыргызстандын Эгемендүүлүгүнүн 33 жылдыгына карата көкбөрү боюнча КР Президентинин кубогуна 14 команда катышмай болду. Учурда командаларды каттоо токтотулду. Спорттун улуттук түрлөрү боюнча мамлекеттик дирекция оюндарды өткөрүүгө жалпысынан 4 күн гана бөлүп берип жаткандыктан, көкбөрү федерациясы командалардын оюндары олимпиадалык система менен өтөөрүн кабарлайт. Тагыраагы жеңилген команда турнир менен кош айтышат.

Натыйжада Президенттик кубокко төмөндөгү командалар катышмакчы:

1) Ак-Суу

2) Алтын-Альянс

3) Ак-Илбирс

4) Ысык-Ата

5) Казарман

6) Ала-Арча

7) Талас шаары

8) Бапа Барскоон

9) Бийиктик

10) Ичке-Суу

11) Асанбек-Ата

12) Кара-Ой

13) Шахтёр

14) Чуй-Токмок

Көкбөрү федерациясы командалардын курамын кабыл алуу үчүн kokboru.net сайтындагы катышуучу командалардын жеке кабинеттери 20-августтан баштап ачык болоорун кабарлайт.

27-августта Чолпон-Ата шаарында катышуучу командалар арасында чүчү кулак кармоо иш чарасы өтөт. Ал эми 28-августтан баштап, Чолпон-Ата ат майданында оюндар расмий башталмакчы.

Белгилей кетсек, быйылкы кубок 5-ДКО оюндарына даярдык учуруна тушташ болуп калгандыктан, көкбөрү федерациясы Президенттик кубок бир лиганын алкагында гана өтөөрүн, ошол эле учурда турнирге катышуудан баш тарткан командаларга эч кандай санкция каралбастыгын маалымдаган.